حضرت عائشہ (رض) بیان کرتی ہیں فلاں خاتون کو نبی اکرم (صلی اللہ علیہ وآلہ وسلم) نے ہر نماز کے وقت غسل کرنے کی ہدایت کی جب یہ بات اس کے لیے پریشانی کا باعث ہوئی تو نبی اکرم (صلی اللہ علیہ وآلہ وسلم) نے اسے یہ ہدایت کی کہ وہ ایک غسل کرنے کے بعد ظہر اور عصر کی نماز ایک ساتھ ادا کرلیا کریں اور ایک مرتبہ ہی غسل کرنے کے بعد مغرب اور عشاء کی نماز ایک ساتھ ادا کرے اور فجر کے لیے پھر غسل کرے۔ امام دارمی فرماتے ہیں محدثین اس خاتون کا نام سہلہ بنت سہیل بیان کرتے ہیں جبکہ یزید بن ہارون نے اس کا سہیلہ بنت سہل نقل کیا ہے۔