حضرت عائشہ (رض) بیان کرتی ہیں نبی اکرم (صلی اللہ علیہ وآلہ وسلم) کے زمانہ اقدس میں ایک خاتون استحاضہ میں مبتلا ہوگئی تو اسے حکم دیا گیا شعبہ کہتے ہیں میں نے عبدالرحمن نامی راوی ہیں سے دریافت کیا کیا نبی اکرم (صلی اللہ علیہ وآلہ وسلم) نے اسے یہ حکم دیا تھا ؟ انھوں نے جواب دیا میں نبی اکرم (صلی اللہ علیہ وآلہ وسلم) کے حوالے سے کوئی چیز نہیں سنارہا صرف یہ بات بتارہا ہوں اس خاتون کو یہ ہدایت کی گئی کہ وہ ظہر کی نماز کو موخر کردیا کرے اور عصر کی نماز جلدی ادا کیا کرے اور ان دونوں نمازوں کے لیے ایک دفعہ غسل کرے پھر وہ مغرب کی نماز کو موخر کرے اور عشاء کی نماز جلدی ادا کرے اور ان دونوں کے لیے ایک ہی دفعہ غسل کیا کرے پھر صبح کی نماز کے لیے ایک دفعہ غسل کرے۔