سیدہ عائشہ (رض) صدیقہ بیان کرتی ہیں ام حبیبہ بنت جحش سات برس تک استحاضہ میں مبتلا رہیں وہ حضرت عبدالرحمن کی اہلیہ تھیں انھوں نے نبی اکرم (صلی اللہ علیہ وآلہ وسلم) کی خدمت میں اس بات کی شکایت کی نبی اکرم (صلی اللہ علیہ وآلہ وسلم) نے ان سے فرمایا یہ حیض نہیں ہے بلکہ مواد ہے جب حیض آئے تو نماز پڑھنا ترک کردو اور جب ختم ہوجائے تو غسل کر کے نماز پڑھنا شروع کردو۔ حضرت عائشہ (رض) بیان کرتی ہیں وہ خاتون ہر نماز کے وقت غسل کر کے نماز پڑھتی تھی حضرت عائشہ (رض) مزید بیان کرتی ہیں وہ خاتون اپنی بہن زینب بنت جحش کے بڑے ٹب میں بیٹھتی تھیں یہاں تک کہ خون کی سرخی پانی پر غالب آجاتی تھی۔