Sunan Al Daraqutni: Hadith 1117

1117 ۔ حضرت براء بن عازب (رض) بیان کرتے ہیں : میں نے نبی کریم (صلی اللہ علیہ وآلہ وسلم) کو دیکھا جب آپ (صلی اللہ علیہ وآلہ وسلم) نماز پڑھنے کے لیے کھڑے ہوئے تو آپ (صلی اللہ علیہ وآلہ وسلم) نے تکبیر کہتے ہوئے دونوں ہاتھوں کو کانوں تک بلند کیا، اس کے بعد آپ نے دوبارہ (نماز میں رفع یدین نہیں کیا) ۔
علی بن عاصم راوی بیان کرتے ہیں : جب میں کوفہ آیا تو مجھے بتایا گیا یزید نامی راوی حیات ہیں، میں ان کی خدمت میں حاضر ہوا تو انھوں نے مجھے یہ حدیث سنائی انھوں نے بتایا : عبدالرحمن بن ابولیلی نے حضرت براء کا یہ بیان نقل کیا ہے وہ فرماتے ہیں : میں نے نبی کریم (صلی اللہ علیہ وآلہ وسلم) کو دیکھا جب آپ نماز کے لیے کھڑے ہوئے تو آپ (صلی اللہ علیہ وآلہ وسلم) نے تکبیر کہتے ہوئے دونوں ہاتھوں کو کانوں تک بلند کیا۔
میں نے انھیں کہا : مجھے ابن ابی لیلی نے یہ روایت سنائی ہے ، آپ نے یہ الفاظ بھی نقل کیے ہیں : نبی کریم (صلی اللہ علیہ وآلہ وسلم) نے پھر بعد میں رفع یدین نہیں کیا تو انھوں نے یہ جواب دیا : مجھے یہ الفاظ یاد نہیں ہیں میں نے اپنی بات دوبارہ ان کے سامنے دہرائی انھوں نے یہی کہا : مجھے یاد نہیں ہے۔