Sunan Al Daraqutni: Hadith 1182

1182 ۔ حضرت عبداللہ بن ابواوفی (رض) بیان کرتے ہیں : ایک شخص نبی کریم (صلی اللہ علیہ وآلہ وسلم) کی خدمت میں حاضر ہوا اور اس نے عرض کیا یارسول اللہ میں قرآن نہیں سیکھ سکتا تو نماز میں میرے لیے کیا پڑھنا کافی ہوگا ؟ نبی کریم (صلی اللہ علیہ وآلہ وسلم) نے ارشاد فرمایا تم یہ پڑھو :
'' اللہ کی ذات پاک ہے تمام تعریفیں اللہ کے لیے مخصوص ہیں اللہ کی مدد کے بغیر کچھ نہیں ہوسکتا، اللہ تعالیٰ سب سے بڑا ہے اور اللہ کے علاوہ کوئی معبود نہیں ہے۔ اس شخص نے عرض کیا یہ تو اللہ کے لیے ہے میرے لیے (دعا کے طورپر) کیا ہوگا ؟ نبی کریم (صلی اللہ علیہ وآلہ وسلم) نے فرمایا تم یہ پڑھو۔
'' اے اللہ ! تو میری مغفرت کردے ! تو مجھ پر رحم کر ! تو مجھے رزق عطاء کر، تو مجھے ہدایت پر ثابت قدم رکھ تو مجھے عافیت نصیب کر۔ نبی کریم (صلی اللہ علیہ وآلہ وسلم) نے ارشاد فرمایا، اس شخص نے اپنے دونوں ہاتھ بھلائی سے بھر لیے ہیں (راوی کہتے ہیں) اس شخص نے اپنی دونوں مٹھیاں بند کرلی تھیں (یعنی انگلیوں پر ان کلمات کو گن کر ہاتھ بند کیا تھا) ۔