Sunan Al Daraqutni: Hadith 1230

1230 ۔ حضرت ابوہریرہ (رض) نبی کریم (صلی اللہ علیہ وآلہ وسلم) کا یہ فرمان نقل کرتے ہیں :
امام کو اس لیے مقرر کیا گیا ہے تاکہ اس کی پیروی کی جائے تم اس سے اختلاف نہ کرو جب وہ تکبیر کہے تو تم بھی تکبیر کہو اور جب وہ قرات کرے تو تم خاموش رہو : جب غیرالمغضوب علیھم ولاالضالین : کہے تو تم آمین کہو : جب وہ رکوع میں جائے تو تم بھی رکوع میں جاؤ۔ جب وہ سمع اللہ حمدہ کہے تو تم ربنالک الحمدکہو : جب وہ سجدہ میں جائے تو تم سجدے میں جاؤ۔ جب وہ بیٹھ کر نماز ادا کرے تو تم سب لوگ بھی بیٹھ کر نماز ادا کرو۔
اس روایت کا راوی اسماعیل بن ابان ضعیف ہے۔