Sunan Al Daraqutni: Hadith 1881

1881 حضرت عبداللہ بن عباس (رض) بیان کرتے ہیں نبی اکرم (صلی اللہ علیہ وآلہ وسلم) نے حضرت معاذ (رض) کو یمن بھیجا تو ان سے پوچھا گیا کہ آپ کو کس بات کا حکم دیا گیا ہے ؟ انھوں نے فرمایا مجھے یہ حکم دیا گیا ہے ‘ میں ہر تیس گائے میں سے ایک تبیع تبیعہ اور ہر چالیس گائے میں سے ایک مسنہ وصول کروں۔
ان سے پوچھا گیا کیا آپ کو اوقاص کے بارے میں بھی کوئی حکم دیا گیا ہے۔ انھوں نے جواب دیا نہیں ! میں اس بارے میں نبی اکرم (صلی اللہ علیہ وآلہ وسلم) سے دریافت کروں گا جب انھوں نے نبی اکرم (صلی اللہ علیہ وآلہ وسلم) سے دریافت کیا ‘ تو آپ (صلی اللہ علیہ وآلہ وسلم) نے فرمایا نہیں ! (یعنی اس میں کوئی ادائیگی لازم نہیں ہوگی) ۔
راوی بیان کرتے ہیں؛اس سے مراد وہ جانور ہے جو دوبرسوں کے درمیان میں ہو اور الفاظ سے مراد یہ ہے اس میں سے کوئی چیزوصول نہیں کی جائے گی۔