Sunan Al Daraqutni: Hadith 1963

1963 عبدالرحمن بن ابوسعید اپنے والد (حضرت ابوسعید خدری (رض)) کا یہ بیان نقل کرتے ہیں میری والدہ نے مجھے نبی اکرم (صلی اللہ علیہ وآلہ وسلم) کی خدمت میں بھیجا ‘ میں آپ کی خدمت میں حاضر ہوا اور بیٹھ گیا ‘ آپ نے میری طرف رخ کرکے ارشاد فرمایا جو شخص بےنیاز رہنا چاہتا ہے ‘ اللہ تعالیٰ اسے بےنیاز کردیتا ہے ‘ جو شخص پاک دامن رہنا چاہتا ہے اللہ تعالیٰ اسے پاک دامنی نصیب کرتا ہے ‘ جو شخص کفایت حاصل کرنا چاہتا ہے ‘ اللہ تعالیٰ اسے کفایت نصیب کرتا ہے ‘ جو شخص کسی دوسرے سے کوئی چیز مانگے حالانکہ اس کے پاس ایک اوقیہ (چاندی) کی قیمت موجود ہو ‘ تو اس نے زیادتی کی۔ (حضرت ابوسعید خدری (رض) بیان کرتے ہیں ) میں نے سوچا کہ میری اونٹنی یاقوتہ تو ایک اوقیہ سے مہنگی ہے تو میں واپس آگیا ‘ میں نے آپ (صلی اللہ علیہ وآلہ وسلم) سے کچھ نہیں مانگا۔