Sunan Al Daraqutni: Hadith 2836

2836 ۔ عبدالواحد بن ایمن اپنے والد کا یہ بیان نقل کرتے ہیں میں سیدہ عائشہ صدیقہ کی خدمت میں حاضر ہوا میں نے ان سے کہا اے ام المومنین، میں عتبہ بن ابولہب کے پاس موجود تھا، (یعنی ان کا غلام تھا) اس کے بیٹے اور اس کی بیوی نے مجھے فروخت کردیا اور میری ولاء کی شرط عائد کی تو میں کسی کا آزاد کردہ غلام شمار ہوں گا ؟ تو انھوں نے فرمایا اے میرے بیٹے میں بریرہ کے پاس آئی اس نے کتابت کا معاہدہ کیا تھا اس نے کہا آپ مجھے خرید لیں میں نے کہا ٹھیک ہے اس نے کہا میرے مالکان مجھے اس وقت تک فروخت نہیں کریں گے جب تک وہ میرے ولاء کی شرط عائد نہ کریں، تو میں نے کہا، پھر تو مجھے تمہارے بارے میں کوئی ضرورت نہیں ہے جب نبی کریم نے یہ بات سنی یا آپ کو اطلاع دی گئی تواپ نے دریافت کیا بریرہ کیا کہہ رہی ہے ، میں نے آپ کو اس بارے میں بتایا تو نبی نے فرمایا، تم اسے خرید کر اسے آزاد کردو اور ان لوگوں کو ایسے ہی رہنے دو وہ جو چاہیں شرطیں عائد کرتے پھریں۔ (سیدہ عائشہ فرماتی ہیں) تو میں نے اسے خرید کر اسے آزاد کردیا، تو نبی کریم (صلی اللہ علیہ وآلہ وسلم) نے ارشاد فرمایا ولاء کا حق آزاد کرنے والے کو حاصل ہوتا ہے خواہ (دوسرے فریق کے لوگ) سوشرطیں عائد کریں۔