Sunan Al Daraqutni: Hadith 2837

2837 ۔ حضرت ابوہریرہ (رض) بیان کرتے ہیں کہ حضرت بشیر صغیر کے بیٹھنے کی ایک مخصوص جگہ تھی جہاں وہ باقاعدگی کے ساتھ نبی کریم (صلی اللہ علیہ وآلہ وسلم) کے پاس بیٹھا کرتے تھے ایک مرتبہ نبی کریم (صلی اللہ علیہ وآلہ وسلم) نے تین دن تک انھیں ملاحظہ نہیں فرمایا (جب وہ تین دن کے بعد) وہ اپنی مخصوص جگہ پر آئے تو نبی نے ان سے دریافت کیا، اے بشیر ! میں نے تمہیں پچھلے تین دن سے دیکھا نہیں ہے تو انھوں نے عرض کیا میرے ماں باپ آپ پر قربان ہوں میں نے فلاں شخص سے اونٹ خریدا تھا وہ میرے پاس رہا اور اس کے بعد وہ سرکش ہو کر بھاگ گیا میں اس کے پیچھے گیا، (اسے پکڑ کے لا کے) اسے اس کے مالک کے سپرد کردیا تو اس نے وہ مجھ سے لے لیا، نبی کریم (صلی اللہ علیہ وآلہ وسلم) نے فرمایا کیا اس نے تمہارے ساتھ کوئی شرط طے کی تھی انھوں نے عرض کی نہیں۔ اس نے ویسے ہی اسے لے لیا ہے ، تو نبی نے ان سے فرمایا کیا تم یہ بات جانتے نہیں ہو کہ سرکش جانور اسی بنیاد پر واپس کیے جاتے ہیں۔