Sunan Al Daraqutni: Hadith 2994

2994 ۔ زید بن اسلم بیان کرتے ہیں میں نے اسکندریہ میں ایک بزرگ کو دیکھا جن کا نام ، سرق، تھا میں نے دریافت کیا یہ کیا نام ہوا ؟ تو انھوں نے بتایا میرا یہ نام نبی کریم (صلی اللہ علیہ وآلہ وسلم) نے رکھا ہے میں اسے ترک نہیں کروں گا، میں نے دریافت کیا نبی کریم (صلی اللہ علیہ وآلہ وسلم) نے آپ کا یہ نام کیوں رکھا ؟ تو انھوں نے بتایا میں مدینہ منورہ آیا اور میں نے لوگوں کو بتایا کہ میرا مال آرہا ہے ان لوگوں نے میرے ساتھ کچھ سودے کیے میں نے انھیں ادائیگیاں کرنی تھیں وہ مال مجھ سے ضائع ہوگیا وہ لوگ مجھے لے کر نبی کریم (صلی اللہ علیہ وآلہ وسلم) کی خدمت میں حاضڑ ہوئے تو آپ نے فرمایا تم سرق ہو ! پھر آپ نے مجھے چار اونٹنیوں کے عوض میں فروخت کروادیا، ان قرض خواہوں نے مجھے خرید نے والے سے دریافت کیا تم اس کا کیا کرو گے ؟ اس نے بتایا میں اسے آزاد کردوں گا تو ان لوگوں نے کہا ہمیں بھی اجر کی اتنی ضرورت ہے جتنی تمہیں ہے تو ان لوگوں نے مل کر مجھے آزاد کردیا لیکن میرا یہ نام باقی رہ گیا۔