Sunan Al Daraqutni: Hadith 2999

2999 ۔ عبداللہ بن زید اپنے والد کے حوالے سے اپنے داداکایہ بیان نقل کرتے ہیں حضرت عمر (رض) کے دوصاحبزادے عبداللہ اور عبیداللہ کا گزر حضرت ابوموسی اشعری (رض) کے پاس سے ہواجوعراق میں (گورنر کے فرائض سرانجام دے رہے ) تھے ، یہ دونوں حضرات ایران کی سرزمین سے آرہے تھے حضرت ابوموسی اشعری نے فرمایا میرے دونوں بھتیجوں کو خوش آمدید ! کاش میرے پاس کوئی چیز ہوتی (راوی کو شک ہے کہ شاید یہ الفاظ ہیں) کاش میں کسی چیز پر قدرت رکھتا (جو میں تمہیں دے سکتا) ہاں البتہ میرے پاس یہ مال اکٹھا ہوا ہے تم اسے لو، اس کے ذریعہ سامان خریدو جب تم حضرت عمر (رض) کے پاس جاؤ تو اسے فروخت کردینا، منافع تمہارا ہوا اور اصل مال تم حضرت عمر کو ادا کردینا۔
راوی بیان کرتے ہیں جب یہ دونوں حضرات امیرالمومنین کی خدمت میں حاضر ہوئے تو انھوں نے ان دونوں سے دریافت کیا کیا ابوموسی نے تمام مہاجرین کی اولاد کے ساتھ یہی سلوک کیا تھا ؟ ان دونوں نے جواب دیا جی نہیں ! تو حضرت عمر (رض) نے فرمایا امیرالمومنین اسے درست قرار نہیں دیں گے ، انھوں نے اسے ، قراض، کے طور پر دیا۔