Sunan Al Daraqutni: Hadith 3045

3045 ۔ مجاہد بیان کرتے ہیں چند لوگوں نے ایک زرعی زمین میں مشترکہ طور پر کام کرنے کے بارے میں طے کیا، ان میں سے ایک شخص کی زمین تھی دوسرے شخص نے زرعت کے آلات فراہم کرنے تھے ، تیسرے شخص نے کھیت میں کام کرنا تھا، اور چوتھے نے بیج فراہم کرنا تھا، جب وہ پیداوار تیار ہوگئی تو یہ لوگ اپنا مقدمہ لے کر نبی کی خدمت میں حاضر ہوئے آپ نے زمین کی ملکیت کو بےحیثیت قرار دیا۔ (یعنی اسے کوئی معاوضہ نہیں ملے گا) جس شخص نے زرعات کے آلات فراہم کیے تھے اسے ایک دن کا ایک درہم معاوضہ ادا کرنے کا حکم دیا، جس شخص نے کھیت میں مزدوری کرنی تھی اس کے لیے معاوضہ مقرر کیا اور آپ نے بھیج فراہم کرنے والے شخص کو تمام پیداوار کا مالک قرار دیا۔
راوی بیان کرتے ہیں میں نے یہ حدیث مکحول کو سنائی، تو انھوں نے فرمایا اس حدیث کے عوض میں مجھے وصیف بھی ملتا توخوشی نہ ہوتی۔
یہ حدیث، مرسل، ہے اور مستند ہے اس روایت کا راوی واصل ، ضعیف ہے۔