Sunan Al Daraqutni: Hadith 3049

3049 ۔ حضرت ابوسعید خدری (رض) بیان کرتے ہیں میں ایک نماز جنازہ میں شریک ہوا جس میں نبی کریم (صلی اللہ علیہ وآلہ وسلم) بھی موجود تھے جب اسے رکھا گیا تو نبی کریم (صلی اللہ علیہ وآلہ وسلم) نے دریافت کیا اس کے ذمہ کوئی قرض ہے لوگوں نے عرض کی جی ہاں ! تو نبی کریم وہاں سے ہٹنے لگے آپ نے ارشاد فرمایا تم لوگ اپنے ساتھی کی نماز جنازہ ادا کرلو۔ جب حضرت نے آپ کو واپس جاتے ہوئے دیکھاتو انھوں نے عرض کی یارسول اللہ یہ شخص اپنے قرض سے بری الذمہ ہے اس کے ذمہ جو ادائیگی ہے میں اس کا ضامن ہوں۔ تو نبی کریم واپس تشریف لائے آپ نے اس شخص کی نماز جنازہ ادا کی جب آپ نماز پڑھ کر فارغ ہوئے تو آپ نے ارشاد فرمایا ، اے علی ! اللہ تمہیں جزائے خیر عطا کر جس طرح تم نے اپنے مسلمان بھائی کی ادائیگی اپنی ذمہ لی ہے اسی طرح اللہ قیامت کے دن تمہاری ادائیگیاں اپنے ذمہ لے جو بھی شخص اپنے بھائی کی طرف سے اس کا قرض ادا کرتا ہے تو اللہ قیامت کے دن اس شخص کی ادائیگیوں کا ذمہ دار ہوگا۔ ایک انصاری شخص کھڑا ہوا اس نے عرض کیا یارسول اللہ یہ حکم حضرت علی کے ساتھ مخصوص ہے ، نبی کریم نے فرمایا نہیں بلکہ یہ تمام مسلمانوں کے لیے عام ہے۔