Sunan Al Daraqutni: Hadith 3208

3208 ۔ سیدہ عائشہ صدیقہ (رض) بیان کرتی ہیں : نبی کریم (صلی اللہ علیہ وآلہ وسلم) کی تلوار کے قبضے میں یہ دو باتیں پائی گئی تھیں، زمین میں سب سے زیادہ نافرمان شخص وہ ہے جو اپنے مارنے والے کے علاوہ کسی دوسرے کو ماردے (راوی کو شک ہے شاید یہ الفاظ ہیں) جو اپنے قتل کرنے والے کے علاوہ کسی اور قتل کردے ، اور وہ شخص جو اپنے آقا کی بجائے خود کو کسی اور کی طرف منسوب کرے جو شخص ایسا کرے گا، اس نے گویا اللہ اور اس کے رسول کا انکار کیا، اللہ ایسے شخص کی کوئی فرض یانفل عبادت قبول نہیں کرے گا۔
(دوسری بات یہ ہے ): اہل ایمان کی جان یکساں حیثیت کی حامل ہے اور ان کے عام فرد کی دی ہوئی پناہ کا احترام کیا جائے گا، کسی مسلمان کو کسی کافر کے بدلے میں قتل نہیں کیا جائے گا، اور کسی معاہد (ذمی) کو قتل نہیں کیا جائے گا اور دومذاہب سے تعلق رکھنے والے لوگ ایکد وسرے کے وارث نہیں بنیں گے ۔ (یہ روایت مختصر ہے) ۔