Sunan Al Daraqutni: Hadith 3490

3491 ۔ حضرت عبداللہ بن عمر (رض) کے بارے میں منقول ہے : انھوں نے اپنے ماموں حضرت عثمان بن مظعون (رض) کی صاحبزادی کے ساتھ شادی کرلی، حضرت ابن عمر (رض) بیان کرتے ہیں : اس لڑکی کی والد نبی کریم (صلی اللہ علیہ وآلہ وسلم) کی خدمت میں حاضر ہوئی اور عرض کی میری بیٹی اس رشتے کو ناپسند کرتی ہے تو نبی کریم نے حضرت ابن عمر (رض) کو یہ ہدایت کی کہ وہ اس عورت سے علیحدگی اختیار کرلیں (یعنی طلاق دیدیں) تو حضرت ابن عمر (رض) نے اس سے علیحدگی اختیار کرلی، نبی کریم (صلی اللہ علیہ وآلہ وسلم) نے یہ ارشاد فرمایا، لڑکیوں کی شادی اس وقت تک نہ کرو جب تک ان کی رائے معلوم نہ ہو، اگر وہ (جواب میں ) خاموش رہیں تو یہ ان کی اجازت (شمار) ہوگی۔
راوی بیان کرتے ہیں : بعد میں حضرت مغیرہ بن شعبہ (رض) نے اس لڑکی کے ساتھ شادی کرلی۔ یہی روایت ایک اور سند کے ہمراہ مختصر طور پر اور مرسل روایت کے طور پر نافع سے منقول ہے ۔
ابن ابی وہب نامی راوی نے نافع سے اس کا سماع نہیں کیا ہے ، انھوں نے عمر بن حسین کے حوالے سے نافع سے روایت کیا ہے۔