Sunan Al Daraqutni: Hadith 3723

3724 ۔ حضرت ابوہریرہ (رض) نبی کریم (صلی اللہ علیہ وآلہ وسلم) کا یہ فرمان نقل کرتے ہیں : سب سے بہترین صدقہ وہ ہے جو خوشحالی کے عالم میں دیا جائے (یعنی صدقہ دینے کے بعد آدمی خود تنگ دست نہ ہو) اور اوپروالاہاتھ نیچے والے ہاتھ سے بہتر ہوتا ہے ) تم اللہ کی راہ میں خرچ کرتے ہوئے) اس سے آغاز کرو جو تمہارے زیرکفالت ہے۔
راوی بیان کرتے ہیں : میں نے عرض کی یارسول اللہ ! میرے زیرکفالت کون ہے ؟ نبی کریم نے ارشاد فرمایا تمہاری بیوی جو یہ کہے گی تم مجھے کھانے کے لیے دو، ورنہ مجھ سے علیحدگی اختیار کرلو، تمہا اغلام جو یہ کہے گا پہلے مجھے کھانے کے لیے دو پھر مجھ سے کام لینا، اور تمہاری اولاد جو یہ کہے گی تم مجھے کس کے آسرے پر چھوڑ کر جا رہے ہو۔