Sunan Al Daraqutni: Hadith 378

حضرت عمر بن خطاب (رض) کے بارے میں یہ بات منقول ہے، ایک مرتبہ انھوں نے ایک شخص کو دیکھا، جس کے پاؤں کی پشت کا کچھ حصہ خشک تھا، وہاں تک پانی نہیں پہنچا تھا تو حضرت عمر (رض) نے اس سے فرمایا : کیا اس وضو کے ساتھ تم نماز میں شامل ہوئے ہو ؟ اس نے عرض کی : اے امیر المومنین ! سردی بہت زیادہ ہے اور میرے پاس ایسی کوئی چیز نہیں ہے جو اس کو روک سکے۔ حضرت عمر (رض) پہلے اس پر سختی کرنے لگے تھے، یہ بات سن کر نرم پڑگئے اور اس سے فرمایا : تم نے اپنے پاؤں کا جو حصہ چھوڑا ہے، اسے دھولو اور نماز دوبارہ پڑھو، پھر حضرت عمر (رض) نے اسے جبہ دینے کی ہدایت کی۔