Sunan Al Daraqutni: Hadith 379

علاء بن زیاد، نبی اکرم (صلی اللہ علیہ وآلہ وسلم) کے اصحاب (رض) میں سے ایک صاحب کے حوالے سے یہ بات نقل کرتے ہیں : ایک مرتبہ نبی اکرم (صلی اللہ علیہ وآلہ وسلم) ، صحابہ کرام (رض) کے پاس تشریف لائے۔ آپ نے غسل کیا ہوا تھا، لیکن آپ کے جسم کا کچھ حصہ خشک رہ گیا تھا جہاں تک پانی نہیں پہنچا تھا۔ ہم نے عرض کی : یارسول اللہ ! یہ حصہ خشک رہ گیا ہے، یہاں تک پانی نہیں پہنچا ؟ نبی اکرم (صلی اللہ علیہ وآلہ وسلم) کے بال مبارک گھنے تھے، آپ نے اپنے (گیلے) بالوں کی نمی کے ذریعے اس حصے کو تر کرلیا۔
اس روایت کا ایک راوی عبدسلام بن صالح بصری ہے اور مستند نہیں ہے۔ دیگر ثقہ راویوں نے اسے اسحاق نامی راوی کے حوالے سے، علاء نامی راوی کے حوالے سے ” مرسل “ روایت کے طور پر نقل کیا ہے۔