Sunan Al Daraqutni: Hadith 3821

3822 ۔ بحریہ بنت ہانی بن قبیصہ بیان کرتی ہیں ان کے والد نے ان کی شادی ایک ایسے شخص کے ساتھ کردی جو عیسائی تھا اس عورت نے خود قعقاع بن سور کے ساتھ شادی کرلی، اس لڑکی کا والد حضرت علی (رض) کے پاس آیا حضرت علی (رض) نے قعقاع کو بلایا، اس وقت وہ اس عورت کے سات صحبت کرنے کے بعد غسل بھی کرچکے تھے ، انھیں حضرت علی (رض) کی خدمت میں لایا گیا تو ان پر زردرنگ کا نشان موجود تھا لڑکی کے باپ نے کہا تم نے مجھے رسوائی کا شکار کیا، میں یہ نہیں چاہتا تھا، تو قعقاع بولے کیا تم یہ سمجھتے ہو کہ میں نے چھپ کر شادی کی ہے ؟ ان لوگوں نے اپنا مقدمہ حضرت علی (رض) کے سامنے پیش کیا، تو حضرت علی (رض) نے دریافت کیا کیا تم اس عورت کے ساتھ صحبت کرچکے ہو ؟ انھوں نے جواب دیا جی ہاں۔ تو حضرت علی (رض) نے اس عورت کو اپنی شادی خود کرلینے کو درست قرار دیا۔
بحریہ نامی عورت مجہول ہے۔