Sunan Al Daraqutni: Hadith 3876

3876 ۔ امام زید بن علی (رض) اپنے آباء و اجداد کے حوالے سے نقل کرتے ہیں : ایک شخص نبی کریم (صلی اللہ علیہ وآلہ وسلم) کی خدمت میں حاضر ہوا اس نے عرض کی : یارسول اللہ میری والدہ نے میرے سامنے اپنی ایک رشتہ دار لڑکی کا ذکر کیا کہ میں اس کے ساتھ شادی کرلوں تو میں نے کہا اگر میں نے اس عورت سے شادی کرلی تو اسے تین طلاقیں ہیں، (اب کیا حکم ہوگا) نبی کریم (صلی اللہ علیہ وآلہ وسلم) نے فرمایا : کیا وہ اس سے پہلے آپ کی ملکیت میں تھی ؟ اس نے عرض کیا جی نہیں، نبی کریم (صلی اللہ علیہ وآلہ وسلم) نے فرمایا پھر کوئی حرج نہیں ہے ۔
راوی بیان کرتے ہیں پھر اس شخص نے اس عورت کے ساتھ شادی کرلی۔