Sunan Al Daraqutni: Hadith 3877

3877 ۔ ابراہیم بن عبیداللہ اپنے والد کے حوالے سے اپنے دادا کا یہ بیان نقل کرتے ہیں : ان کے بزرگوں میں سے کسی شخص نے اپنی بیوی کو ایک ہزار طلاقیں دے دیں، اس کے بچے نبی کریم (صلی اللہ علیہ وآلہ وسلم) کی خدمت میں حاضر ہوئے انھوں نے عرض کی یارسول اللہ : ہمارے والد نے ہماری والدہ کو ایک ہزار طلاقیں دے دی ہیں ، کیا ان کے لیے کوئی گنجائش ہے ، نبی کریم (صلی اللہ علیہ وآلہ وسلم) نے ارشاد فرمایا تمہارا باپ اللہ سے ڈرا نہیں ہے ، ورنہ وہ اس کے لیے کوئی گنجائش پیدا کردیتا، وہ عورت اس شخص سے تین طلاقوں کی وجہ سے جدا ہوجائے گی جو طلاقیں سنت کے خلاف ہیں اور (بقیہ) نوسوستانوے طلاقیں اس کی گردن میں گناہ کے طور پر ہوں گی۔
(امام دارقطنی بیان کرتے ہیں ) ہمارے استاد ابن عبدالباقی (ان دوحضرات کے علاوہ) اس روایت کے تمام راوی مجہول اور ضعیف ہیں۔