Sunan Al Daraqutni: Hadith 3904

3904 ۔ ابوسلمہ بن عبدالرحمن، سیدہ فاطمہ بنت قیس (رض) کا یہ بیان نقل فرماتی ہیں ، وہ خاتون ابوعمرو بن حفص بن مغیرہ کی بیوی تھیں، انھوں نے اسے تیسری طلاق بھی دیدی، وہ خاتون نبی کریم (صلی اللہ علیہ وآلہ وسلم) کی خدمت میں حاضر ہوئیں تو آپ سے یہ مسئلہ دریافت کیا ، کیا وہ اپنے گھر سے باہر نکل سکتی ہے (یعنی کسی دوسری جگہ منتقل ہوسکتی ہیں) تو نبی نے اسے یہ ہدایت کی وہ ابن ام مکتوم کے ہاں منقتل ہوجائے۔
مروان نے اس بات کو تسلیم نہیں کیا کہ مطلقہ عورت اپنے گھر سے نکل سکتی ہے ، اس نے سیدہ فاطمہ بنت قیس کے بیان کو معتبر تسلیم نہیں کیا۔
عروہ بیان کرتے ہیں : سیدہ عائشہ نے بھی فاطمہ بنت قیس کے بیان کو تسلیم نہیں کیا۔ سیدہ عائشہ (رض) مطلقہ عورت کو اس بات سے منع کرتی تھیں کہ وہ اپنے گھر سے نکلے جب تک اس کی عدت پوری نہیں ہوجاتی۔