Sunan Al Daraqutni: Hadith 3908

3908 ۔ حضرت عبداللہ بن عمر (رض) بیان کرتے ہیں : انھوں نے اپنی اہلیہ کو ایک طلاق دیدی ، خاتون اس وقت حیض کی حالت میں تھی ، پھر انھوں نے یہ ارادہ کیا کہ وہ اس خاتون کو بقیہ دوطلاقیں آگے آگے آنے والے طہروں کے دوران دیں ، جب نبی کریم (صلی اللہ علیہ وآلہ وسلم) کو اس بارے میں پتہ چلا تو آپ (صلی اللہ علیہ وآلہ وسلم) نے فرمایا : اے ابن عمر ! اللہ تعالیٰ نے تمہیں اس طرح (طلاق دینے کا) حکم تو نہیں دیا، تم نے سنت کی خلافت ورزی کی ہے ، سنت یہ ہے کہ تم پہلے اسے طہر آلینے دو پھر ہر طہر میں طلاق دے دینا۔ حضرت عبداللہ بن عمر (رض) بیان کرتے ہیں : نبی کریم (صلی اللہ علیہ وآلہ وسلم) نے مجھے ہدایت کی تو میں نے اس خاتون سے رجوع کرلیا۔ پھر نبی کریم (صلی اللہ علیہ وآلہ وسلم) نے ارشاد فرمایا ، جب یہ پاک ہوجائے اس وقت تم اسے طلاق دینا یا اپنے ساتھ رکھنا، (یعنی طلاق نہ دینا) میں نے عرض کی یارسول اللہ ، آپ کا کیا فرمانا ہے ، اگر میں اسے تین طلاقیں دیدوں تو کیا میرے لیے یہ بات جائز ہوگی، کہ میں اس سے رجوع کرلوں ؟ تو نبی کریم (صلی اللہ علیہ وآلہ وسلم) نے ارشاد فرمایا : نہیں (ایسی صورت میں ) وہ تم سے بائنہ ہوجائے گی اور (طلاق دینے کا یہ طریقہ) گناہ ہوگا۔