Sunan Al Daraqutni: Hadith 3950

3950 ۔ حضرت رافع بن سنان (رض) کے بارے میں منقول ہے انھوں نے اسلام قبول کیا لیکن ان کی اہلیہ نے اسلام قبول کرنے سے انکار کردیا، ان کی ایک چھوٹی بچی تھی ، جو دودھ چھڑانے کی عمر تک پہنچ چکی تھی، وہ دونوں اپنا مقدمہ لے کر نبی کریم کی خدمت میں حاضر ہوئے نبی کریم (صلی اللہ علیہ وآلہ وسلم) نے فرمایا : اسے تم اپنے درمیان رکھو، اور پھر تم دونوں اسے بلاؤ، انھوں نے ایساہی کیا، تو وہ بچی اپنی والدہ کی طرف مائل ہوئی، نبی کریم (صلی اللہ علیہ وآلہ وسلم) نے دعا کی ، اے اللہ اسے ہدایت نصیب کر، تو وہ بچی اپنے والد کی طرف مائل ہوگئی، تو حضرت رافع (رض) نے اسے حاصل کرلیا۔