Sunan Al Daraqutni: Hadith 4025

4025 ۔ حضرت جابر بن عبداللہ (رض) بیان کرتے ہیں : کہ حضرت سعد بن ربیع (رض) کی اہلیہ نے عرض کی : یارسول اللہ حضرت سعد (رض) انتقال کرگئے ہیں انھوں نے (پس ماندگان میں) دوبیٹیاں اور ایک بھائی چھوڑا ہے ان کے بھائی نے حضرت سعد (رض) کا چھوڑا ہواسارامال اپنے قبضہ میں لے لیا ہے خواتین کے ساتھ ان کی مالی حیثیت کے حساب سے نکاح کیا جانا ہے۔ نبی کریم نے اس محفل کے دوران اس خاتون کو کوئی جواب نہیں دیا، پھر وہ آپ کی خدمت میں حاضر ہوئی اور اس نے عرض کی یارسول اللہ ، حضرت سعد (رض) کی دوصاحبزادیوں کا معاملہ ہے ، نبی کریم نے فرمایا اس کے بھائی کو میر پاس بلاؤ، وہ شخص آیا تو نبی کریم (صلی اللہ علیہ وآلہ وسلم) نے ارشاد فرمایا اس کی بیٹیوں کو دوتہائی حصہ دو اور اس کی اہلیہ کو آٹھواں حصہ دو اور جو باقی بچ جائے وہ تمہیں ملے گا۔