Sunan Al Daraqutni: Hadith 4086

4086 ۔ حضرت ابوہریرہ (رض) بیان کرتے ہیں کہ نبی اکرم (صلی اللہ علیہ وآلہ وسلم) سے پھوپھی اور خالہ کی وراثت کے بارے میں دریافت کیا گیا تو آپ نے فرمایا کہ مجھے اس بارے میں علم نہیں ہے ‘ جبرائیل مجھے آکر (اس بارے میں بتادیں گے) پھر آپ نے ارشاد فرمایا : پھوپھی اور خالہ کی وراثت کے بارے میں دریافت کرنے والے شخص کہاں ہے ؟ اس شخص کو لایا گیا تو آپ نے ارشاد فرمایا : جبرائیل نے مجھے یہ بات بتائی ہے کہ ان دونوں کو کوئی چیز نہیں ملے گی (یعنی یہ وارث نہیں بنیں گی) ۔ اس روایت کو محمد بن عمرو کے حوالے سے صرف مسعدہ نامی راوی نے نقل کیا ہے اور یہ راوی ضعیف ہے ‘ درست یہ ہے کہ یہ روایت ” مرسل “ ہے۔