Sunan Al Daraqutni: Hadith 4182

4182 ۔ حضرت جابر (رض) بیان کرتے ہیں کہ نبی اکرم (صلی اللہ علیہ وآلہ وسلم) کے زمانہ اقدس میں ایک شخص نے اپنے غلام کو آزاد کردیا ‘ اس نے مدبر کے طورپر اسے آزاد کیا تھا تو نبی اکرم (صلی اللہ علیہ وآلہ وسلم) نے اس شخص کو یہ ہدایت کی کہ وہ اس غلام کو فروخت کرکے اپنے قرض کو ادا کرلے ‘ تو اس شخص نے اس غلام کو آٹھ سو درہم میں فروخت کیا تھا۔ ابوجعفر نامی راوی بیان کرتے ہیں : جس وقت حضرت جابر (رض) نے یہ بات بیان کی اس وقت میں بھی وہاں موجود تھا ‘ انھوں نے اس بات کی اجازت دی تھی کہ اس کی خدمات کو فروخت کیا جاسکتا ہے۔
اس روایت کا راوی عبدالغفار ” ضعیف “ ہے ‘ دیگرراویوں نے اسے ابوجعفرنامی راوی کے حوالے سے ” مرسل “ روایت کے طورپرنقل کیا ہے۔