Sunan Al Daraqutni: Hadith 4331

4331 ۔ حضرت عبداللہ بن عمر (رض) بیان کرتے ہیں : حضرت عمر (رض) کو خیبر میں زمین ملی ‘ وہ نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ انھوں نے عرض کی : یارسول اللہ ! مجھے ایسا کوئی مال نہیں ملاجو میرے نزدیک اس سے زیادہ بہترہو ‘ تو آپ مجھے کیا ہدایت کرتے ہیں ؟ تو نبی اکرم (صلی اللہ علیہ وآلہ وسلم) نے ارشاد فرمایا کہ اگر تم چاہوتوا سے اللہ کے نام پر وقف کر دو کہ اصل زمین تمہارے پاس رہے گی اور تم اس کے پھل کو صدقہ کردو۔ تو حضرت عمر (رض) نے اسے غریبوں ‘ قریبی رشتے داروں ‘ غلاموں ‘ مسافروں اور مہمانوں کے لیے صدقہ کردیا اور اس کے نگران پر کوئی گناہ نہیں ہوگا اگر وہ مناسب طریقے سے خود اس میں سے کھالیتا ہے یا اپنے کسی دوست کو کھلا دیتا ہے ‘ جبکہ وہ مال جمع کرنے والا نہ ہو۔
اس روایت کے ایک لفظ کے بارے میں راویوں نے اختلاف کیا ہے۔