Sunan Al Daraqutni: Hadith 4337

4337 ۔ حضرت عبداللہ بن عمر (رض) بیان کرتے ہیں کہ حضرت عمر (رض) ‘ نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ انھوں نے عرض کی : مجھے خیبر میں زمین ملی ہے ‘ میرے نزدیک مجھے اس سے زیادہ بہترین زمین کبھی نہیں ملی ‘ آپ مجھے اس بارے میں کیا حکم دیتے ہیں ؟ تو نبی اکرم (صلی اللہ علیہ وآلہ وسلم) نے ارشاد فرمایا : اگر تم چاہوتواصل زمین کو اپنے پاس رہنے دو اور اس کے پھل کو صدقہ کردو۔ راوی کہتے ہیں : تو حضرت عمر (رض) نے اصل زمین کو اپنے پاس رکھا اور اس کے پھل کو صدقہ کردیا ‘ اس طرح کہ اس زمین کو فروخت نہیں کیا جاسکے گا ‘ ہبہ نہیں کیا جاسکے گا ‘ وراثت میں تقسیم نہیں کیا جاسکے گا اور اس کا پھل غریبوں ‘ قریبی رشتے داروں ‘ غلاموں ‘ مجاہدین ‘ مسافروں ‘ مہمانوں کے لیے ہوگا اور جو شخص اس کا نگران ہوگا ‘ اس پر کوئی گناہ نہیں ہوگا ‘ اگر وہ مناسب طریقے سے خود اس میں سے کچھ کھالیتا ہے یا اپنے کسی دوست کو کھلا دیتا ہے ‘ جبکہ وہ مال جمع کرنے والانہ ہو۔