Sunan Al Daraqutni: Hadith 434

حضرت انس بن مالک (رض) بیان کرتے ہیں : حضرت عمر (رض) گلے میں تلوار لٹکا کر نکلے تو انھیں بتایا گیا، آپ کے بہنوئی اور آپ کی بہن بےدین ہوگئے ہیں (یعنی انھوں نے اسلام قبول کرلیا ہے) تو حضرت عمر (رض) ان دونوں کے پاس آئے، ان دونوں کے پاس اس وقت ایک مہاجر شخص بیٹھا ہوا تھا، جس کا نام حباب تھا۔ یہ لوگ سورة فاتحہ کی تلاوت کر رہے تھے تو حضرت عمر (رض) نے فرمایا : تمہارے پاس جو یہ کتاب موجود ہے، یہ مجھے بھی دو تاکہ میں اس کو پڑھوں۔ حضرت عمر (رض) اس کتاب کو پڑھنا چاہتے تھے لیکن ان کی بہن نے ان سے کہا : آپ ناپاک ہیں، اسے صرف پاکیزہ لوگ چھو سکتے ہیں، انھیں اور غسل کریں یا وضو کریں، تو حضرت عمر (رض) اٹھے، انھوں نے وضو کیا، پھر انھوں نے اس تحریر کو لیا اور سورة فاتحہ کو پڑھا۔
اس روایت کا راموی قاسم بن عثمان مستند نہیں ہے۔