Sunan Al Daraqutni: Hadith 435

علقمہ بیان کرتے ہیں : ایک مرتبہ ہم حضرت سلمان فارسی (رض) کے ساتھ ایک سفر میں شریک تھے، انھوں نے قضائے حاجت کی، ہم نے ان سے کہا : آپ وضو کرلیں تاکہ ہم آپ سے قرآن کی ایک آیت کے بارے میں سوال کریں، تو حضرت سلمان فارسی (رض) نے کہا : تم مجھ سے سوال کرو، میں قرآن کو چھو تو نہیں رہا، پھر انھوں نے ہمارے سامنے وہ آیت تلاوت کی، جو ہم چاہ رہے تھے اور اس وقت ہمارے اور ان کے درمیان پانی موجود نہیں تھا۔
اس روایت کے تمام راوی ثقہ ہیں اور ایک جماعت نے اس سے اختلاف کیا ہے۔