Sunan Al Daraqutni: Hadith 4367

4367 ۔ ابوعبدالرحمن سلمی بیان کرتے ہیں کہ جب حضرت عثمان غنی (رض) کو محصور کردیا گیا تو انھوں نے لوگوں کی طرف جھانک کر دیکھا اور فرمایا : میں تم لوگوں کو اللہ کے نام کا واسطہ دے کر دریافت کرتا ہوں اور میں صرف نبی اکرم (صلی اللہ علیہ وآلہ وسلم) کے اصحاب کو یہ واسطہ دیتاہوں کہ کیا آپ لوگ یہ بات نہیں جانتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی تھی : جو شخص رومہ کنوئیں کو کھدوائے گا (یعنی اسے وقف کردے گا) اسے جنت ملے گی ‘ تو میں نے اسے کھدوایا تھا۔ کیا تم لوگ یہ بات نہیں جانتے کہ نبی اکرم (صلی اللہ علیہ وآلہ وسلم) نے یہ بات ارشاد فرمائی تھی : جو شخص غزوہ تبوک کے لیے سامان فراہم کرے گا اسے جنت ملے گی ‘ میں نے اس کے لیے سامان فراہم کیا تھا تو ان لوگوں نے حضرت عثمان (رض) کی اس بات کی تصدیق کی۔ پھر حضرت عثمان غنی (رض) نے فرمایا کہ نبی اکرم (صلی اللہ علیہ وآلہ وسلم) نے یہ بات ارشاد فرمائی تھی : جو شخص غزوہ تبوک کے لیے سامان فراہم کرے گا۔