Sunan Al Daraqutni: Hadith 4486

4486 ۔ حضرت زید بن خالد جہنی (رض) بیان کرتے ہیں کہ نبی اکرم (صلی اللہ علیہ وآلہ وسلم) سے گرے ہوئے (ملنے والے) سونے یا چاندی کے بارے میں دریافت کیا گیا تو آپ (صلی اللہ علیہ وآلہ وسلم) نے ارشاد فرمایا : اس (تھیلی) کے منہ پر بندھے ہوئے دھاگے کے نشان کو یاد رکھو اور ایک سال تک اس کا اعلان کرو ‘ اگر پتانہ چل سکے تو اس کو استعمال کرلو ‘ یہ تمہارے پاس ودیعت کے طورپر رہے گی ‘ کسی بھی زمانے میں کسی بھی وقت اگر اس کا مالک آگیا تو تم اس کو اداکردوگے۔
نبی اکرم (صلی اللہ علیہ وآلہ وسلم) سے گم شدہ اونٹ کے بارے میں دریافت کیا گیا تو آپ (صلی اللہ علیہ وآلہ وسلم) نے ارشاد فرمایا : تمہارا اس کے ساتھ کیا واسطہ ہے ! اسے وہی پر رہنے دو ‘ اس کا پیٹ اس کے پاؤں اس کے ساتھ ہیں وہ خودپانی تک پہنچ جائے گا اور پتے کھالے گا ‘ یہاں تک کہ اس کا مالک اس کو پالے گا۔ نبی اکرم (صلی اللہ علیہ وآلہ وسلم) سے (گم شدہ) بکری کے بارے میں دریافت کیا گیا تو آپ نے فرمایا : یا وہ تمہیں ملے گی یا تمہارے کسی بھائی کو ملے گی یا پھر بھیڑیئے کو مل جائے گی۔