Sunan Al Daraqutni: Hadith 4508

4508 ۔ حضرت عبداللہ بن زبیربیان کرتے ہیں کہ زمعہ کی ایک کنیز تھی جس کے ساتھ وہ صحبت کیا کرتا تھا ‘ اس کنیزکایہ کہنا ہے کہ ایک اور شخص نے اس کے ساتھ صحبت کی ‘ اسی دوران زمعہ انتقال کرگیا اور وہ کنیزحاملہ ہوگئی ‘ اس نے ایک بچے کو جنم دیا ‘ جو اس شخص کے ساتھ مشابہت رکھتا تھا جس کے بارے میں کنیزنے بات بیان کی تھی۔ سیدہ ام سلمہ (رض) نے اس بات کا تذکرہ نبی اکرم (صلی اللہ علیہ وآلہ وسلم) سے کیا ‘ تو آپ (صلی اللہ علیہ وآلہ وسلم) نے ارشاد فرمایا : جہاں تک وراثت کا تعلق ہے ‘ وہ اسے مل جائے گی لیکن جہاں تک تمہارا معاملہ ہے تو تم اس سے پردہ کرو کیونکہ وہ تمہارا بھائی نہیں ہے۔