Sunan Al Daraqutni: Hadith 4623

4623 ۔ حضرت انس بن مالک (رض) بیان کرتے ہیں کہ حضرت ابوطلحہ (رض) نے مجھے یہ بات بتائی ہے : ان کے پاس یتیموں کا کچھ مال تھا ‘ انھوں نے اس کے ذریعے شراب خریدلی ‘ پھر شراب کی حرمت کا حکم نازل ہوگیا۔ راوی کہتے ہیں : ان دنوں ہماری شراب صرف گھجور کے ذریعے بنائی جاتی تھی۔ راوی کہتے ہیں : میں نبی اکرم (صلی اللہ علیہ وآلہ وسلم) کی خدمت میں حاضرہوا ‘ میں نے آپ کی خدمت میں عرض کی : میرے پاس یتیموں کا کچھ مال ہے ‘ میں نے اس کے ذریعے شراب خرید لی ہے ‘ یہ شراب کا حکم نازل ہونے سے پہلے کی بات ہے ‘ تو نبی اکرم (صلی اللہ علیہ وآلہ وسلم) نے مجھے یہ ہدایت کی کہ میں وہ برتن توڑدوں اور شراب کو بہادوں ‘ میں تین مرتبہ آپ کی خدمت میں حاضرہوا ‘ ہر مرتبہ آپ نے مجھے یہی ہدایت کی کہ میں برتن توڑدوں اور شراب کو بہادوں۔