Sunan Al Daraqutni: Hadith 669

669 ۔ حضرت عمرو بن عاص (رض) بیان کرتے ہیں ایک مرتبہ مجھے سردیوں کی رات میں احتلام ہوگیا ، یہ غزوہ ذات السلاسل کی بات ہے ، مجھے یہ اندیشہ ہوا کہ اگر میں نے غسل کیا تو میں ہلاکت کا شکار ہوجاؤں گا اس لیے میں نے تیمم کرکے اپنے ساتھیوں کو صبح کی نماز پڑھائی بعد میں اس بات کا تذکرہ نبی کریم (صلی اللہ علیہ وآلہ وسلم) سے کیا گیا تو آپ نے دریافت کیا ، اے عمرو تم نے جنابت کی حالت میں اپنے ساتھیوں کو نماز پڑھا دی ، تو میں نے آپ کو اس وجہ کے بارے میں بتادیا جس نے مجھے غسل کرنے سے روک دیا تھا میں نے عرض کیا میں نے اللہ کو یہ ارشاد فرماتے ہوئے سنا ہے۔ تم اپنے آپ کو قتل نہ کرو بیشک اللہ تمہارے بارے میں بڑا رحم فرمانے والا ہے۔ تو نبی کریم (صلی اللہ علیہ وآلہ وسلم) مسکرا دیے آپ (صلی اللہ علیہ وآلہ وسلم) نے مجھ سے کچھ نہیں فرمایا۔