Sunan Al Daraqutni: Hadith 671

671 ۔ ربیع بن بدر اپنے والد کے حوالے سے اپنے دادا کا یہ بیان نقل کرتے ہیں حضرت اسلع نے کہا، آپ مجھے دکھائیں کہ نبی کرم (صلی اللہ علیہ وآلہ وسلم) نے آپ کو کس طرح تیمم کرنے کا طریقہ سکھایا تھا تو انھوں نے اپنی دونوں ہتھیلیاں زمین پر ملیں، پھر ان پر پھونک ماری ، پھر ان دونوں کے ذریعے اپنے چہرے کا مسح کیا ، یہاں تک کہ اپنی داڑھی کا بھی مسح کیا، پھر دونوں ہاتھوں کو زمین پر لگایا ، ان ک ذریعے زمین کا مسح کیا، ان میں سے ایک کو دوسرے پر مل لیا۔ انھوں نے اپنی ہتھیلی کے باہر والے حصے اور اندرونی حصے کا مسح کیا۔
ایک روایت میں یہ الفاظ ہیں : نبی کریم (صلی اللہ علیہ وآلہ وسلم) نے مجھے سکھایا کہ میں کس طرح مسح کروں ؟ راوی بیان کرتے یہں پھر انھوں نے اپنی دونوں ہتھیلیاں زمین پر رکھیں پھر انھیں اپنے چہرے کی طرف بلند کیا پھر دوسری ضرب لگائی پھر دونوں ہاتھوں کے ظاہری اور اندرونی حصے کا مسح کیا یہاں تک کہ اپنے ہاتھوں کے ذریعے کہنیوں کا مسح کیا۔