1015 ۔ محمد بن عمار نے حضرت ابوہریرہ (رض) کے بارے میں یہ بات نقل کی ہے ، انھوں نے اس بات کا تذکر کیا نبی کریم (صلی اللہ علیہ وآلہ وسلم) نے انھیں یہ بات بتائی : حضرت جبرائیل (علیہ الصلوۃ والسلام) آپ (صلی اللہ علیہ وآلہ وسلم) کے پاس آئے اور تمام نمازیں مختلف اوقات میں پڑھائیں البتہ مغرب کی نماز (ایک ہی وقت میں پڑھائی) ۔
نبی کریم (صلی اللہ علیہ وآلہ وسلم) نے فرمایا : وہ مغرب کے وقت میرے پاس آئے اور مجھے اس وقت نماز پڑھائی جب سورج غروب ہوچکا تھا پھر وہ میرے پاس آئے (یعنی راوی کہتے ہیں : اگلے دن) مغرب کی نماز کے وقت انھوں نے اسی ایک وقت میں نماز پڑھائی جب سورج غروب ہوا تھا اسمیں کوئی تبدیلی نہیں کی۔