1016 ۔ حضرت عبداللہ بن عمر (رض) بیان کرتے ہیں : جب نماز فرض ہوگئی تو حضرت جبرائیل (علیہ الصلوۃ والسلام) نبی کریم (صلی اللہ علیہ وآلہ وسلم) کے پاس آئے اور آپ کو ظہر کی نماز پڑھائی۔ اس کے بعد راوی نے نمازوں کے اوقات کا تذکرہ کیا جس میں یہ الفاظ ہیں : حضرت جبرائیل (علیہ الصلوۃ والسلام) نے نبی کریم (صلی اللہ علیہ وآلہ وسلم) کو مغرب کی نماز اس وقت پڑھائی جب سورج غروب ہوگیا تھا ۔ دوسرے دن کے بارے میں راوی نے یہی الفاظ نقل کیے ہیں انھوں نے نبی کریم (صلی اللہ علیہ وآلہ وسلم) کو مغرب کی نماز اس وقت پڑھائی جب سورج غروب ہوگیا تھا۔