علقمہ بن وقاص بیان کرتے ہیں : انھوں نے حضرت عمر بن خطاب (رض) کو یہ بیان کرتے ہوئے سنا، وہ فرماتے ہیں : میں نے نبی اکرم (صلی اللہ علیہ وآلہ وسلم) کو یہ ارشاد فرماتے ہوئے سنا ہے : اعمال (کی جزاء) کا دارومدار نیت پر ہے، اور ہر شخص کو وہی ملے گا جو اس نے نیت کی ہوگی، جس شخص نے ہجرت اللہ تعالیٰ اور اس کے رسول کی طرف کی ہوگی، اس کی ہجرت اللہ تعالیٰ اور اس کے رسول کی طرف شمار ہوگی، اور جس شخص نے ہجرت دنیا کے لیے کی تھی تاکہ اسے حاصل کرے یا کسی عورت کے لیے کی تھی تاکہ وہ اس سے شادی کرلیتا تو اس کی ہجرت اسی طرف ہوگی جس کی طرف (نیت کرکے) اس نے ہجرت کی تھی۔