حضرت انس (رض) بیان کرتے ہیں : نبی اکرم (صلی اللہ علیہ وآلہ وسلم) نے ارشاد فرمایا ہے : قیامت کے دن کچھ صحیفے لائے جائیں گے، جن پر مہر لگی ہوئی ہوگی، انھیں اللہ تعالیٰ کے سامنے رکھا جائے گا، تو اللہ تعالیٰ اپنے فرشتوں سے فرمائے گا : انھیں پرے کر دو ! تو فرشتے عرض کریں گے : ہمیں تیری عزت کی قسم ! ہمیں تو ان میں صرف بھلائی نظر آئی ہے۔ اللہ تعالیٰ یہ فرمائے گا، حالانکہ وہ زیادہ علم رکھتا ہے، یہ سب کام دوسروں کے لیے تھے، آج کے دن میں صرف وہی عمل قبول کروں گا، جو صرف میری رضا کے لیے کیا گیا تھا۔