1723 حضرت عبداللہ بن عمر (رض) بیان کرتے ہیں نبی اکرم (صلی اللہ علیہ وآلہ وسلم) خانہ کعبہ کے اندر تشریف لے گئے ‘ پھر آپ (صلی اللہ علیہ وآلہ وسلم) باہر تشریف لائے ‘ حضرت بلال (رض) آپ (صلی اللہ علیہ وآلہ وسلم) کے پیچھے تھے ‘ میں نے حضرت بلال (رض) سے دریافت کیا کیا نبی اکرم (صلی اللہ علیہ وآلہ وسلم) نے (خانہ کعبہ کے اندر) نماز ادا کی ہے ؟ انھوں نے جواب دیا نہیں ! راوی بیان کرتے ہیں اگلے دن نبی اکرم (صلی اللہ علیہ وآلہ وسلم) پھر خانہ کعبہ کے اندر تشریف لے گئے ‘ میں نے پھر حضرت بلال (رض) سے دریافت کیا کیا نبی اکرم (صلی اللہ علیہ وآلہ وسلم) نے خانہ کعبہ کے اندر نماز ادا کی ہے ؟ انھوں نے جواب دیا جی ہاں ! نبی اکرم (صلی اللہ علیہ وآلہ وسلم) نے دو رکعت ادا کی ہیں ‘ آپ (صلی اللہ علیہ وآلہ وسلم) نے درخت کے تنے کی طرف رخ کیا تھا اور دوسرے ستون کو اپنے دائیں طرف رکھا تھا۔