1959 حضرت انس (رض) بیان کرتے ہیں حضرت ابوبکر (رض) کو خلیفہ مقرر کیا گیا ‘ تو انھوں نے حضرت انس مالک (رض) کو بحرین بھیجا اور انھیں یہ تحریرلکھ کردی
یہ زکوۃ کے بارے میں حکم نامہ ہے ‘ جسے نبی اکرم (صلی اللہ علیہ وآلہ وسلم) نے مسلمانوں پر فرض قراردیا ہے ‘ جس کا حکم اللہ تعالیٰ نے اپنے رسول کو دیا تھا ‘ جس مسلمان سے اس کے مطابق مطالبہ کیا جائے وہ اس کی ادائیگی کردے ‘ جس سے اس سے زیادہ کا مطالبہ کیا جائے وہ ادائیگی نہ کرے ‘ ٢٤ تک یا اس سے کم میں بکریوں کی ادائیگی کی جائے گی جن میں سے ہر پانچ کے عوض میں ایک بکری دی جائے گی ‘ جب وہ پچیس ہوں تو ٣٣ تک میں ایک بنت مخاض مونث کی ادائیگی کی جائے گی ‘ جب وہ ٣٦ سے لے کر ٤٥ تک ہوں تو ان میں ایک بنت لبون مونث کی ادائیگی کی جائے گی ‘ ٤٦۔ ٦٠ تک میں ایک حقہ کی ادائیگی کی جائے گی ‘ جسے جفتی کے لیے دیا جاسکے ‘ جب ان کی تعداد ٢١۔ ٧٥ تک ہو ‘ تو ان میں جذعہ کی ادائیگی ہوگی ‘ جب ان کی تعداد ٧٦۔ ٩٠ تک ہو ‘ تو ان میں دو بنت لبون کی ادائیگی ہو ‘ جب ان کی تعداد ٩١۔ ٥١٢٠ تک ہو ‘ تو ان میں ایک حقہ کی ادائیگی ہوگی ‘ جنہیں جفتی کے لیے دیا جاسکے ‘ جب ان کی تعداد ١٢٠ سے زیادہ ہوجائے تو ہر چالیس میں ایک بنت لبون کی اور ہر پچاس میں ایک حقہ کی ادائیگی لازم ہوگی ‘ اگر اونٹوں کی عمر اس سے مختلف ہو جس کی ادائیگی زکوۃ میں لازم ہوتی ہے تو جس شخص نے جذعہ زکوۃ میں اداکرناہو اور اس کے پاس جذعہ نہ ہو ‘ بلکہ حقہ موجود ہو ‘ تو اس سے حقہ وصول کیا جائے اور گا اور اس کے ساتھ دو بکریاں لی جائیں گی ‘ اگر وہ آسانی سے دے سکتا ہے ‘ یا پھر بیس درہم لیے جائیں گے ‘ جس شخص نے حقہ ادا کرنا تھا اور اس کے پاس حقہ نہیں تھا ‘ بلکہ اس کے پاس جذعہ تھا ‘ اس سے جذعہ وصول کیا جائے گا اور زکوۃ وصول کرنے والا اسے بیس درہم یادوبکریاں اداکردے گا ‘ جس شخص نے زکوۃ میں حقہ ادا کرنا تھا اور اس کے پاس صرف بنت لبون موجود ہو ‘ تو اس سے بنت لبون وصول کی جائے گی اور وہ اس کے ساتھ دو بکریاں دے گایابیس درہم دے گا ‘ جس شخص نے بنت لبون زکوۃ میں ادا کرنا تھی اور وہ اس کے پاس نہیں تھی ‘ بلکہ اس کے پاس حقہ موجود تھا تو اس سے حقہ کو وصول کرلیا جائے گا ‘ اور زکوۃ وصول کرنے والے شخص سے بیس درہم یادوبکریاں اداکرے گا ‘ جس شخص نے بنت لبون ادا کرنی تھی اور اس کے پاس وہ نہیں ہو اور اس کے پاس بنت مخاض موجود ہو ‘ تو اس سے بنت مخاض قبول کی جائے گی اور اس کے ساتھ اسے بیس درہم دیئے جائیں گے ‘ یادوبکریاں ادا کی جائیں گی ‘ جس شخص نے بنت مخاض ادا کرنا تھی اور اس کے پاس وہ نہ ہو ‘ بلکہ اس کے پاس بنت لبون ہو ‘ تو اسے اس سے لے لیا جائے گا اور صدقہ وصول کرنے والا شخص اسے بیس درہم یادوبکریاں اداکر دے گا ‘ اگر اس شخص کے پاس بنت مخاض نہ ہوبل کہ اس کے پاس ابن لبون مذکرہو ‘ تو اس سے وہی وصول کیا جائے گا اور اس کے ساتھ کوئی چیز نہیں لی جائے گی ‘ جس شخص کے پاس صرف چار اونٹ ہوں اس پر زکوۃ لازم نہیں ہوگی ‘(البتہ اگر ان کا مالک چاہے تو ادائیگی کرسکتا ہے) جب اونٹوں کی تعداد پانچ ہوجائے گی ‘ تو ان پر ایک بکری کی ادائیگی لازم ہوجائے گی ‘ اس طرح بکریوں کے بارے میں حکم یہ ہے جب ان کی تعداد ٤٠۔ ١٢٠ تک ہو ‘ تو ان میں ایک بکری کی ادائیگی لازم ہوگی ‘ اگر تعداد ١٢٠ سے زیادہ ہوجائے تو ٢٠٠ تک میں دوبکریوں کی ادائیگی لازم ہوجائے گی ‘ جب تعداد ٢٠٠ سے زیادہ ہوجائے تو ٣٠٠ تک میں تین بکریوں کی ادائیگی لازم ہوگی ‘ جب تعداد ٣٠٠ سے زیادہ ہوجائے تو ایک سو میں ایک بکری کی ادائیگی لازم ہوجائے گی۔
زکوۃ میں ٹوٹے ہوئے سینگ والی ‘ کانی ‘ لنگڑی بکری قبول نہیں کی جائے گی ‘(البتہ اگر صدقہ وصول کرنے والا چاہے تو ایسے کسی جانور کو قبول کروصول کرسکتا ہے) اور زکوۃ سے بچنے کے لیے الگ ‘ الگ مال کو اکٹھا نہیں کیا جائے گا اور اکٹھے مال کو الگ ‘ الگ نہیں کیا جائے گا ‘ جو چیز دو آدمیوں کی مشترکہ ملکیت ہو ‘ تو ان دونوں سے برابر کی بنیاد پر وصول کی جائے گی۔ اگر کسی شخص کی بکریاں ٤٠ سے ایک بھی کم ہوں تو ان پر زکوۃ کی ادائیگی واجب نہیں ہوگی ‘ البتہ اگر ان کا مالک چاہے تو کوئی ادائیگی کرسکتا ہے۔ غلاموں میں ’ عشر ‘ کے چوتھائی حصے (یعنی اصل قیمت کا اڑھائی فیصد) کی ادائیگی لازم ہوگی۔
اگر کسی شخص کے مال میں صرف ١٩٠ (درہم) ہوں تو ان پر زکوۃ لازم نہیں ہوگی ‘ البتہ اگر ان کا مالک چاہے تو کوئی ادائیگی کرسکتا ہے۔
یوسف نامی راوی نے اپنی روایت میں یہ الفاظ نقل کیے ہیں حضرت ابوبکرصدیق (رض) نے یہ تحریر انھیں اس وقت لکھ کردی تھی جب انھیں بحرین بھیجا تھا۔ّاس میں یہ الفاظ ہیں )
اللہ تعالیٰ کے نام سے آغاز کرتا ہوں جو رحمن اور رحیم ہے ‘ یہ زکوۃ کی فرضیت (کا حکم نامہ) ہے۔
فضل نامی راوی نے اپنی روایت میں یہ الظاظ نقل کیے ہیں حضرت ابوبکر (رض) کو خلیفہ مقرر کیا گیا ‘ تو انھوں نے حضرت انس بن مالک (رض) کو بحرین بھیجا اور انھیں یہ تحریرلکھ کردی اور اس پر نبی اکرم (صلی اللہ علیہ وآلہ وسلم) کی مہرلگائی ‘ نبی اکرم (صلی اللہ علیہ وآلہ وسلم) کی مہر مبارک پر یہ الفاظ کندہ تھے لفظ محمد ایک سطر میں ‘ لفظ رسول ایک سطر میں اور لفظ اللہ ایک سطر میں ۔
یہ زکوۃ کی فرضیت کا حکم نامہ ہے ‘ جسے اللہ تعالیٰ نے مسلمانوں پر فرض قراردیا ہے ‘ جس کے بارے میں نبی اکرم (صلی اللہ علیہ وآلہ وسلم) نے حکم دیا ہے۔