1960 حضرت انس بن مالک (رض) ‘ نبی اکرم (رض) کے بارے میں یہ نقل کرتے ہیں
مسلمانوں کے زکوۃ ادا کرنے کے بارے میں یہ حکم نامہ ہے ‘ جس کا حکم اللہ تعالیٰ نے اپنے رسول کو دیا ہے ‘ اہل ایمان میں سے جس شخص سے اس کے مطابق مطالبہ کیا جائے وہ اس کے مطابق ادائیگی کردے اور جس سے اس کے علاوہ کوئی مطالبہ کیا جائے وہ دوسری کوئی ادائیگی نہ کرے ‘ ہر چوبیس اونٹوں یا اس سے کم میں ہر پانچ اونٹوں کی زکوۃ ایک بکری ہوگی ‘ ٢٥۔ ٣٥ تک میں ایک بنت مخاض کی ادائیگی لازم ہوگی ‘ اگر بنت مخاض موجود نہ ہو ‘ تو ابن لبون کی ادائیگی ہوگی جو مذکرہو ‘ پھر ٣٦۔ ٤٥ تک میں بنت لبون کی ادائیگی لازم ہوگی ‘ پھر ٤٦۔ ٦٠ تک میں ایک حقہ کی ادائیگی لازم ہوگی ‘ ٦١۔ ٧٥ تک میں جذہ کی ادائیگی لازم ہوگی ‘ ٧٦۔ ٩٠ تک میں دوبنت لبون کی ادائیگی لازم ہوگی ‘ ٩١۔ ١٢٠ تک میں دوحقہ کی ادائیگی لازم ہوگی ‘ ١٢١ سے آگے یہ حکم ہوگا کہ ہر چالیس میں ایک بنت لبون کی ادائیگی اور پچاس میں ایک حقہ کی ادائیگی لازم ہوگی ‘ اگر اونٹوں کی عمر میں فرق آجائے تو جس شخص کے ذمے جذعہ کی ادائیگی بطور زکوۃ لازم ہوگی ‘ تو اگر اس کے پاس جذعہ نہ ہوبل کہ حقہ موجود ہو ‘ تو اس سے وہی وصول کرلیا جائے گا ‘ اور وہ محض اس کے ساتھ دو بکریاں اداکرے گا ‘ اگر یہ ادا کرنا اس کے لیے ممکن ہو ‘ یا پھر بیس درہم اداکرے گا ‘ اگر اس شخص کے ذمے حقہ کی ادائیگی لازمی تھی اور اس کے پاس نہ ہوبل کہ اس کے پاس جذعہ ہو ‘ تو اس سے وہی وصول کرلیا جائے گا اور صدقہ وصول کرنے والا شخص اس کے ساتھ دو بکریاں یابیس درہم اداکردے گا ‘ جس شخص کے ذمے حقہ کی ادائیگی لازم تھی اور وہ اس کے پاس نہ ہوبل کہ اس کے پاس بنت لبون ہو ‘ اس سے وہی وصول کرلی جائے گی اور وہ شخص اس کے ساتھ دو بکریاں یابیس درہم اداکرے گا ‘ جس شخص نے بنت لبون ادا کرنا تھی اور اس کے پاس بنت لبون نہ ہو ‘ بلکہ اس کے پاس حقہ ہو ‘ تو اس سے وہی وصول کرلی جائے گی اور صدقہ وصول کرنے والا شخص اسے دو بکریاں یابیس درہم اداکرے گا۔
اگر زکوۃ میں بنت لبون کی ادائیگی لازم تھی اور وہ اس شخص کے پاس نہ ہوبل کہ اس کے پاس بنت مخاض ہو ‘ تو اس سے وہی وصول کرلیا جائے گا اور وہ شخص اس کے دو بکریاں یابیس درہم اداکرے گا ‘ جس شخص نے زکوۃ میں بنت مخاض ادا کرنی تھی اور وہ اس کے پاس نہ ہوبل کہ اس کے پاس بنت لبون ہو ‘ تو اس سے وہی وصول کی جائے گی ‘ اور صدقہ وصول کرنے والا شخص اسے دو بکریاں یابیس درہم اداکردے گا۔
جس شخص کے ذمے زکوۃ میں بنت مخاض ادا کرنا تھی اور وہ اس کے پاس نہ ہوبل کہ اس کے پاس ابن لبون ہوجومذکرہو ‘ تو اس سے وہی وصول کرلیا جائے گا اور اس کے ساتھ کوئی چیزوصول نہیں کی جائے گی ‘ جس شخص کے پاس صرف چار اونٹ ہوں تو اس پر زکوۃ واجب نہیں ہوگی ‘ البتہ اگر ان کا مالک چاہے (توصدقہ کے طورپر) کوئی ادائیگی کرسکتا ہے ‘ جب پانچ اونٹ ہوجائیں گے تو ان میں ایک بکری کی ادائیگی لازم ہوگی۔
بکریوں کے بارے میں حکم یہ ہے ٤٠۔ ١٢٠ تک میں ایک بکری کی ادائیگی لازم ہوگی ‘ ١٢١۔ ٢٠٠ بکریوں میں دوبکریوں کی ادائیگی لازم ہوگی ‘ ٣٠٠۔ ٢٠٠ تک میں (اس سے زیادہ میں) ہر ایک سو میں ایک بکری کی ادائیگی لازم ہوگی۔
زکوۃ میں کوئی سینگ ٹوٹی ہوئی ‘ کانی یالنگڑی بکری ادا نہیں کی جائے گی ‘ البتہ اگر زکوۃ وصول کرنے والا چاہے (توایسائی جانوروصول کرسکتا ہے) زکوۃ کی ادائیگی سے بچنے کے لیے الگ ‘ الگ مال کو اکٹھا نہیں کیا جائے گا اور اکٹھے مال کو الگ ‘ الگ نہیں کیا جائے گا ‘ جو چیزدولوگوں کی مشترکہ ملکیت ہو ‘ تو ان دونوں سے برابر ی کی بنیاد پر وصولی کی جائے گی ‘ اگر بکریوں کی تعداد چالیس سے ایک بھی کم ہو ‘ تو اس پر زکوۃ کی ادائیگی لازم نہیں ہوگی ‘ البتہ اگر ان کا مالک چاہے تو اس سے کوئی ادائیگی کرسکتا ہے۔
غلاموں میں عشر کے چوتھائی حصے (یعنی اصل قیمت کا اڑھائی فیصد) کی ادائیگی لازم ہوگی۔
اگر کسی شخص کے پاس مال میں صرف ١٩٠ درہم ہوں تو اس پر زکوۃ ادا کرنا لازم نہیں ہوگا (البتہ اگر ان کا مالک چاہے تو صدقے کے طورپر کوئی ادائیگی کرسکتا ہے) ۔
اس روایت کی سند مستند ہے اور اس کے تمام راوی ثقہ ہیں۔