ابو وائل بیان کرتے ہیں : میں نے حضرت عبداللہ بن مسعود (رض) کو یہ بیان کرتے ہوئے سنا ہے، وہ فرماتے ہیں : جنات سے ملاقات کی رات میں نبی اکرم (صلی اللہ علیہ وآلہ وسلم) کے ہمراہ تھا، نبی اکرم (صلی اللہ علیہ وآلہ وسلم) ان کے پاس تشریف لے گئے ، آپ نے ان کے سامنے قرآن پڑھا۔ حضرت عبداللہ بن مسعود (رض) بیان کرتے ہیں : نبی اکرم (صلی اللہ علیہ وآلہ وسلم) نے مجھ سے رات کے کسی حصے میں دریافت کیا : اے ابن مسعود ! تمہارے پاس پانی ہے ؟ میں نے عرض کی : نہیں ! اللہ کی قسم ! یارسول اللہ ! میرے پاس برتن میں صرف نبیذ موجود ہے، نبی اکرم (صلی اللہ علیہ وآلہ وسلم) نے ارشاد فرمایا : کھجور پاکیزہ ہوتی ہے اور اس کا پانی پاک کرنے والا ہے، پھر نبی اکرم (صلی اللہ علیہ وآلہ وسلم) نے اس کے ذریعے وضو کرلیا۔
حسین بن عبید اللہ نامی راوی ثقہ راویوں کے حوالے سے روایات ایجاد کرکے اپنی طرف سے بیان کردیتا تھا۔