حضرت عبداللہ بن مسعود (رض) بیان کرتے ہیں : ایک مرتبہ نبی اکرم (صلی اللہ علیہ وآلہ وسلم) میرے پاس سے گزرے۔ آپ نے ارشاد فرمایا : اپنے ساتھ پانی کا برتن لے لو، پھر آپ چلتے رہے، میں بھی آپ کے ساتھ رہا، پھر حضرت عبداللہ بن مسعود (رض) نے جنات سے ملاقات والے واقعہ کا تذکرہ کیا۔ حضرت عبداللہ بن مسعود (رض) بیان کرتے ہیں : جب میں نے اس برتن پر سے آپ پر پانی انڈیلا تو وہ نبیذ تھی۔ میں نے عرض کی : یارسول اللہ ! مجھ سے غلطی ہوگئی ہے، میں نبیذ لے آیا ہوں۔ نبی اکرم (صلی اللہ علیہ وآلہ وسلم) نے ارشاد فرمایا : کھجور میٹھی ہوتی ہے اور اس کا پانی میٹھا ہے۔ اس روایت کو نقل کرنے میں حسن بن قتیبہ نامی راوی منفرد ہیں اور یہ حسن بن تشیبہ اور محمد بن عیسیٰ نامی راوی دونوں ضعیف ہیں۔