حضرت عبداللہ بن مسعود (رض) بیان کرتے ہیں : جنات سے ملاقات کی رات نبی اکرم (صلی اللہ علیہ وآلہ وسلم) نے مجھے وضو کا پانی ساتھ لانے کے لیے کہا تو میں ایک برتن لے کر آپ کی خدمت میں حاضر ہوا، اس میں نبیذ موجود تھی، نبی اکرم (صلی اللہ علیہ وآلہ وسلم) نے اس کے ذریعے وضو کرلیا۔
اس روایت کو جس ثقفی نامی راوی نے حضرت عبداللہ بن مسعود (رض) کے حوالے سے نقل کیا ہے : وہ مجہول ہے۔ ایک قول کے مطابق اس کا نام عمرو ہے اور ایک قول کے مطابق اس کا نام عبداللہ بن عمرو ہے۔