3003 ۔ حضرت ابوسعید خدری (رض) بیان کرتے ہیں نبی کریم (صلی اللہ علیہ وآلہ وسلم) کے کچھ اصحاب کسی عرب قبیلے کے پاس آئے تو ان لوگوں نے ان حضرات کی مہمان نوازی نہیں کی، اسی دوران ان لوگوں کے سردار کو کسی (زہریلے جانور نے) کاٹ لیا ان لوگوں نے دریافت کیا کہ آپ کے پاس اس کی کوئی دوا ہے یا کوئی دم کرنے والا ہے تو ان حضرات نے کہا تم لوگوں نے ہماری مہمان نوازی نہیں کی اس لیے ہم تو ایسا نہیں کریں گے یاپھریہ ہے کہ تم اس کا کوئی ہمیں معاوضہ ادا کرو۔ تو ان لوگوں نے بکریوں کا ایک ریوڑ معاوضہ مقرر کیا، تو انھوں نے سو رہ فاتحہ پڑھنی شروع کی وہ اپنالعاب منہ میں اکٹھا کرتے اور (جانور کی کاٹی ہوئی جگہ) پر ڈال دیتے تو وہ شخص ٹھیک ہوگیا۔ وہ لوگ بکریاں لے کر ان کے پاس آئے (تو ان میں سے بعض حضرات نے) یہ کہا ہم انھیں اس وقت تک (استعمال نہیں کریں گے ) جب تک نبی کریم (صلی اللہ علیہ وآلہ وسلم) سے اس بارے میں دریافت نہ کرلیں انھوں نے نبی کریم (صلی اللہ علیہ وآلہ وسلم) سے اس بارے میں دریافت کیا تو آپ (صلی اللہ علیہ وآلہ وسلم) مسکرادیے۔ آپ نے فرمایا تمہیں کیسے پتا چلا کہ اس کے ذریعہ دم بھی ہوتا ہے ؟ تم انھیں استعمال کرو اور ان میں میرا حصہ بھی رکھو۔