3676 ۔ عبدالملک بن ابوبکر بیان کرتے ہیں : نبی کریم (صلی اللہ علیہ وآلہ وسلم) نے شوال کے مہینے میں سیدہ ام سلمہ (رض) کے ساتھ شادی کی ، شوال کے مہینے میں ان کی رخصتی ہوئی ، نبی کریم (صلی اللہ علیہ وآلہ وسلم) نے فرمایا : اگر تم چاہو تو میں سات دن تمہارے ساتھ رہتاہوں اور پھر سات، سات دن تمہاری ساتھی خواتین (سوکنوں) کے ساتھ رہوں گا ورنہ (دوسری صورت یہ ہے ) میں تین دن تمہارے ساتھ رہتاہوں اور پھر تمہاری باری کے دن تمہارے پاس آجاؤں گا، سیدہ ام سلمہ نے عرض کی یارسول اللہ (ابھی) آپ (صلی اللہ علیہ وآلہ وسلم) تین دن میرے ساتھ رہیں۔